Mbërrijnë në sallën e gjyqit dy të arrestuarit që dyshohen për vrasjen e ish-deputetit Pashko Ujka, ngjarje kjo e ndodhur në Shkodër.
Kristjan Kelmendi dhe Marjan Kola do të njihen sot me masën e sigurisë.
Ndërkohë familjarët e Marjan Kolës, i ati Dedë Kola dhe vëllai Petrit Kola flasin për mediat.
Ata thonë se dy djemtë në momentin e ngjarjes kanë qenë në Kosovë.
“I keni kamerat , i ka sekuestruar shteti, dje isha në Kosovë dhe bëra kallëzim për këtë punë. I ka në dizpozicion pamjet vetëm se nuk e kanë shqyrtuar çështjen unë dua drejtësi, jemi të zhgënjeyr nga autoritetet”, tha ai.
Ata kanë treguar edhe fletëregjistrimet në poligonin e qitjes në Kosovë, ku familjarët pretendojnë se kanë qenë të rinjtë në momentin e ngjarjes.
