LIGJET E BIZNESIT
Aktorja e njohur Edi Luarasi u nda nga jeta ditën e djeshme në moshën 81-vjeçare.
Ky lajm i hidhur la një boshllëk të madh jo vetëm brenda familjes së afërt, por në të gjithë artin shqiptar.
Sot janë zhvilluar homazhet në nder të artistes së madhe.
Në një prononcim për mediat, regjisori Bujar Kapexhiu u shpreh se nga qielli i artit shqiptar u shkëput ylli më i shndritshëm.
Teksa tha se ndjen dhimbje për të folur për kolegen e tij, Kapexhiu shtoi gjithashtu se ata të dy kanë qenë gjithmonë bashkë, si për ovacionet dhe suksesin në skenë, ashtu edhe për gjërat e tjera të cilat i pësuan nga regjimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Është i dhimbshëm çasti kur të takon të flasësh për një njeri të dashur që largohet nga kjo jetë. Edi Luarasi, një nga aktoret më të shquara nuk është më, por padyshim që ka lënë gjurmë të thella në ekran dhe në teatër dhe do jetë e paharruar gjithmonë.
Nga qielli i artit shqiptar, u shkëput ylli më i ndritshëm, për të bërë dritë në parajsë. Jam i sigurt se shumë dhimbje kanë për miqtë e kolegët e saj, por edhe spektatorët. Me atë që ajo ka lënë ajo do mbetet e paharruar për të gjithë.
Ka qenë një bashkëpunim shumë i ngushtë. Kemi qenë të dy bashkë dhe për duartrokitjet, ovacionet, suksesin, por edhe të tjerat gjëra që pësuam nga regjimi”, tha Kapexhiu.
