LIGJET E BIZNESIT
Në ambientet e stadiumit “Air Albania” në Tiranë, kryeministri Edi Rama mori dozën e tretë të vaksinës anti- C OVID19.
Pas procesit të injeksionit, ai iu dha një mesazh të gjithë qytetarëve për tu vaksinuar sepse sipas tij janë parë efektet pozitive.
Rama paralajmëroi ndër të tjera se vaksinimi nuk është me detyrim por do të vijë një ditë që nuk do të lejohen të pavaksinuarit të mos futen në dyqane e bare de po ashtu punonjësit nuk do të lejohen të shkojnë në punë e të marrin rrogën.
“Unë bëra sot vaksinën e tretë siç e patë. Në internet shpërndahen gjithëfarë teorish, si ka mundësi që kjo të jetë lojë dhe asnjë kanal serioz informimi të mos flasë. Të gjitha mediat e botës flasin për të mirat e vaksinës, ndërsa u është mbyllur goja të gjithë atyre që s’marrin vesh fare nga shëndeti. Po flasin kundra vaksinës një lumë konspiracioni në Facebook e nëpër internet.
Kjo është skandaloze dhe e turpshme, është të fyesh inteligjencën tënde dhe në vend t’i besosh shkencës që thotë se vaksina të shpëton nga vdekja, se vaksina nuk të mbron nga virusi, të mbron nga vdekja. Ne kemi bërë çmos që të mos ngarkojmë psikologjikisht sektorët e jetës në vendin tonë. Por të jemi të qartë që ne nuk mund të lëmë këtë situatë në rrjedhje të lirë, të dali ku të dali. I bëj thirrje të gjithëve punonjësve të shtetit, se do vijë ndonjë moment që do u ndalohet të shkojnë në punë, dhe po nuk shkuan në punë nuk paguhen.
S’do ju lejohet të hyni në dyqane e merkato, se përndryshe do ju mbyllet dyqani dhe shitësve nëse nuk vaksinoheni. Nuk mund të rrezikojë pjesa më e madhe e shoqërisë se disa nuk duan të bëjnë vaksinën. Është shumë e qartë se çfarë të mirash po sjell vaksinimi, është e sigurtë që vaksina po shpëton jetë. Vaksinimi nuk është me detyrim, por është ajo që po bën gjithë bota. Shkoni kudo në botë, po hytë dot në dyqane e bare, pa vaksinë. S’e bëni dot. Edhe në universitete studentët duhet të vaksinohen, se do vijë dita që nuk do lejohen të futen në klasa.
