Ish-kryeministri Sali Berisha është rikthyer sot në Tropojë në kuadër të lëvizjes që po organizon “Foltorja”.
Prej vitesh ai nuk ka qenë prezent në qytetin verior, i cili është njëkohësisht dhe origjina e tij.
Berisha ka ftuar të gjithë demokratët që ti bashkohen dhe të bëhen gjithashtu pjesë e Kuvendit Kombëtar që ka thirrur ish-kryeministri.
Ky i fundit është pritur me entuziazëm, me fishekzjarre dhe flamuj kuq e zi nga mbështetësit.
“Foltorja” e Berishës vjen pasi ish-kryeministri ka zhvilluar një sërë takimesh në disa qytete të vendit, me mbështjetje gjithashtu edhe të disa deputetëve demokratë .
Përmendim këtu , Isuf Çela, ish-kryetari i bashkisë, Besnik Dushaj, deputeti i PD-se, Flamur Noka, ish-deputetet Aleksandër Biberaj, Florion Mima, Klevis Balliu, si dhe Lisandër Hoxha, ish-nënkryetar i Forumit Rinor të PD.
Kujtojmë se PD sëfundmi është përfshirë në një ‘stuhi’ debatesh dhe përplasjesh midis Berishës e mbështetësit të tij dhe Bashës e mbështetësit të tij.
Kujtojmë që Berisha e ka thirrur Kuvendin Kombëtar më 11 dhjetor kurse Basha më 18 dhjetor. Se si do të vijojnë të rrjedhin ngjarjet brenda partisë opozitare më të madhe në vend mbetet për tu parë.
