Mbërrin në Kuvend draft-opinioni i Komisionit të Venecias për ndryshimet Kushtetuese.
Burime për mediat bëjnë me dije se draft opinioni mbështet kërkesën e maxhorancës për zgjatjen e afateve të vettingut.
Me propozim të deputetes Klotilda Bushka, Këshilli i Legjislacionit për ndryshimet kushtetuese votoi që t’i drejtohej për opinion ‘Venecias’ lidhur me propozimin e tyre.
Mësohet Komisioni i Venecias është i mendimit se shtyrja e mandatit të KPK dhe KP është në përputhje me standardet.
Pas këtij drafti paraprak, në datën 12 dhjetor pritet që të zhvillohet edhe sesioni plenar i Komisionit të Venecias ku do të miratohet opinioni final nga ku më pas do të vijojë edhe procedura parlamentare për ndryshimin e kushtetutës.
Komisionit të Pavarur të Kualifikimit dhe Komisionerit Publik i përfundon mandati më 17 qershor të vitit 2022 ndërsa propozimi i maxhorancës synon që këtë datë ta çojë më 31 dhjetor të vitit 2024
