Një shpërthim i fuqishëm ka tronditur Gjermaninë.
Mësohet se ngjarja ndodhi në afërsi të një stacioni treni në Mynih.
Për pasojë janë plagosur katër persona.
Shpërthimi besohet se është shkaktuar nga një bombë e Luftës së Dytë Botërore, dhe bëri që zyrtarët të ndalonin të gjithë shërbimet e trenave.
Departamenti i zjarrëfikëseve të qytetit tha se ngjarja u shënua kur punëtorët po kryenin punimet e shpimit.
Katër personat që u plagosën po punonin në vendngjarje, njëri prej të cilëve pësoi lëndime të rënda, raportoi agjencia e lajmeve AFP.
Shërbimi hekurudhor i Gjermanisë Deutsche Bahn tha se ka pezulluar shërbimin hekurudhor si masë paraprake pasi shpërthimi ndodhi pranë një ure ku duhet të kalojnë të gjithë trenat brenda dhe jashtë stacionit.
Në një deklaratë të postuar në Twitter, Deutsche Bahn tha se shpërthimi aksidental i një “bombë ajrore” të kohës së Luftës së Dytë Botërore ishte shkaku i shpërthimit.
