Tentuan të hyjnë me forcë në rafineri,  9 naftëtarët e Ballshit e pësojnë keq

9 naftëtarë të Ballshit janë proceduar penalisht, pasi një ditë më parë kanë tentuar të futen me forcë brenda rafinerisë.

Në njoftim thuhet se punonjës dhe ish-punonjës kanë tentuar që të hyjnë me forcë dhe kanë dëmtuar derën kryesore.

“Specialistët për Hetimin e Krimeve në Komisariatin e Policisë Mallakastër proceduan penalisht për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe “Shkatërrimi i pronës” shtetasit: G. M., 60 vjeç; N. L., 58 vjeç; B. H., 54 vjeç; J. H., 54 vjeç; K. J., 46 vjeç; R. H., 53 vjeç; L. H., 54 vjeç; A. I., 48 vjeç dhe A. N., 56 vjeç, banues në Mallakastër, pasi në hyrjen kryesore të KPTHN-Ballsh, janë grumbulluar përpara uzinës bashkë me disa ish-punonjës të tjetë të kësaj uzine, dhe kanë tentuar të hyjnë me forcë në ambientet e brendshme të saj, duke dëmtuar derën kryesore” njofton policia.