Kryeministri Rama ishte në qytezën e Urës Vajgurore në Berat pasditen e kësaj të premte, ku ka prezantuar kandidaten për kryetare të kësaj bashkie, që është dhe kryetarja aktuale, Juliana Memaj.
Nga takimi në Urën Vajgurore, Rama ka filluar edhe me mesazhet e tij kundrejt kundërshtarëve politik.
Kreu i qeverisë u shpreh se Basha është i përgjuar nga SHBA për 1 milionë dollarë të zhdukura.
“Ai që i udhëheq këto “gjyqe publike” është një i akuzuar kur ishte ministër, sot është nën hetim jo vetëm në vendin tonë por në SHBA për 1 milion dollarë që s’dihet nga erdhën, dhe del e kërkon revolucion real.. Luli, Luli, se nuk flas për atë tjetrin, plakun e marrë që Lulin e ka një nga tepsitë e veta, por edhe tepsitë e plakut Sali do të shpërbehen më 30 qershor”, u shpreh kryeministri.
