“Furtunë” në Policinë e Shtetit/ Ndryshon kupola drejtuese e Beratit, ja kush ikën dhe vjen

Sërish ndryshime në rradhët e uniformave blu.

Mësohet se këtë herë është përfshirë Drejtoria e Policisë së Qarkut Berat.

Emërimet e reja janë kryer në të gjitha sektorët dhe në të pesta komisariatet.

Ndryshimet dhe emërimet e reja janë kryer me kërkesë të Drejtorit të Policisë së Beratit, Edmond Tarkaj, me qëllim rritjen e rendit e sigurisë publike si dhe parandalimin dhe zbulimin e ngjarjeve kriminale në të gjithë qarkun.

Lëvizjet kanë prekur çdo sektor drejtues të Policisë Berat, në të cilën është emëruar:

Zv/drejtor i Rendit dhe Sigurisë Publike emërohet drejtues Albert Nushi që zëvendësoi drejtuesin Arjan Ferri;

Shefi i Sektorit për Rendin dhe Sigurinë Publike është emëruar Kryekomisari Baki Musaku, që zëvendësoi Kryekomisarin Dashamir Bendaj, ky i fundit i emëruar Shefi i Njësisë Operacionale në DVP Tiranë;

Shefi Sektorit për Hetimin e Krimit të Organizuar është emëruar Komisar Argent Shytia që ka ardhur në Berat nga DVP Tiranë, ku ishte më parë Shefi i Krimeve të Rënda.

Shefi i Krimeve të Rënda është emëruar Edmond Selami.

Shefi i Seksionit për Qarkullimin Rrugor është emëruar Komisar Enea Kaci, i cili zëvendësoi Komisarin Dritan Allajbeu që u emërua drejtues në sektorin e qarkullimit rrugor në Durrës.

Përveç ndryshimeve brenda Drejtorisë Vendore të Policisë Berat, janë ndryshuar edhe drejtuesit e Komisariateve Berat, Kuçovë e Dimal.

Shefi i Komisariatit të Policisë Berat është emëruar Komisar Sokol Laze, që zëvendësoi Kryekomisarin Alfred Cenaj;

Shefi i Komisariatit të Policisë Kuçovë është emëruar Komisar Erjon Ismaili, që zëvendësoi Komisar Geront Seitllarin;

Shefi i Komisariatit të Policisë Dimal është emëruar Nën/Komisar Artan Musai, që zëvendësoi Komisar Bernard Kaziaj.