Komuniteti në Agrinio është shokuar nga një ngjarje e rëndë e ndodhur së fundmi. Bëhet fjalë për një vrasje. Raportohet se një 35-vjeçar ka vrarë me thikë nënën e tij 57-vjeçare, ndërsa ka plagosur gjyshen.
Ngjarja shokuese ka ndodhur në zonën e spitalit të vjetër në orët e para të së martës dhe aktualisht në vendin e ngjarjes ndodhen forca të shumta policore.
Të njëjtat informacione thonë po ashtu se Policia është njoftuar nga gjyshja e plagosur e autorit të dyshuar, e cila edhe ndonëse e gjakosur ka gjetur forcën dhe ka thirrur autoritetet.
Në zonë ka trazira të mëdha midis fqinjëve dhe familjes, ndërsa sipas të njëjtave informacione, policia tashmë po punon për arrestimin e autorit të dyshuar
