LIGJET E BIZNESIT
Tragjedia e 3 vjeçares që u gjet para disa ditësh e vdekur në Mersin të Turqisë thellohet edhe më shumë pas zbulimeve të reja tronditëse që kanë dalë në dritë gjatë hetimit.
Trupi i pajetë i vajzës së identifikuar si Myslyme, u zbulua në pyll, jo shumë larg nga çadra ku jetonte me familjen e saj.
Policia ka arrestuar gjyshin e saj, Hasan Yagal, pështyma e të cilit u gjet në qafën e vogëlushes nga ekspertët e kriminalistikës.
Ndonëse ai pretendon se thjesht e ka puthur, hetuesit dyshojnë se fëmija mund të jetë abuzuar seksualisht e kjo është ndoshta dhe arsyeja përse i është marrë jeta.
Nëna e vajzës tha para policëve se 3-vjeçarja dhe vajza tjetër më e madhe nuk ishin fëmijë të burrit, por të vjehrrit, i cili e ka përdhunuar kur i shoqi ndodhej në ushtri.
“Nuk tregova sepse kishim frikë”, ka thënë gruaja sipas shtypit vendas.
Dyshohet se vdekja e fëmijës mund të ketë ardhur si pasojë e këtyre ngjarjeve shokuese në familjen e saj.
