Ngjarja e rëndë në Deçan, përcillen për në banesën e fundit dy nxënësit

Mësohet se nxënësit Ledion Hamzaj, 16 vjeç dhe Gentiana Mustafaj, 17 vjeç do të prehen në varrezat e fshatit Gllogjan.

“Varrimi i dy viktimave të sulmit makabër, që ndodhi në Gllogjan, bëhet ditë e diel, datë 28.11.2021, në ora 14:00, në varrezat e fshatit Gllogjan.Ngushëllime për familjarët.Ndajmë dhimbjen së bashku”, thuhet në njoftim.

Nga ky aksident tragjik kanë ndërruar jetë tre persona nga breshëria e kallashnikovit dy ditë më parë. Përpos viktimave, nga sulmi me armë zjarri në Deçan mbeti i plagosur po ashtu edhe një nxënës i tretë, i cili iu nënshtrua një operacioni për të hequr plumbin nga trupi.

Autori i ngjarjes ende nuk është vënë para drejtësisë. Policia e ka përjashtuar mundësinë e një sulmi terrorist.