Tërmeti godet Shqipërinë, lëkundjet ndihen dhe në Maqedoni të Veriut

Një tërmet është regjistruar në orët e para të mëngjesit të kësaj të shtune në Bllacë të Dibrës. Lëkundjet janë shënuar në orën 4:43 të mëngjesit dhe sipas EMSC (Qendra Sizmiologjike Evropiane Mesdhetare) kanë qenë të magnitudës 3.2 Rihter.

Epiqendra e tij ka qenë 2 kilometra në thellësi, duke bërë kështu që të ndjehen edhe në Maqedoninë e Veriut. Lëkundjet regjistrohen një ditë pas tragjedisë së ndodhur me 26 nëntor, 2 vite më parë në vendin tonë, ku ndërruan jetë 51 persona.