SPAK, gjendet pajisja e çuditshme në qelinë e të burgosurit  

Në qelinë në të cilën po vuan dënimin Admir Tafili është gjetur ditën e sotme një pajisje e cila përdorej për të kryer telefonata dhe video-calls me jashtë.

Tafili, i dënuar me burgim të përjetshëm pas akteve të rënda kriminale që ka kryer e kishte transformuar pajisjen nga modem për kanalet televizive në një objekt të mirëfilltë për të kryer telefonata me zë dhe me figurë.

Kontrolli në qeli është bërë pasi ka sinjalizuar SPAK, që ka një çështje hetimore të nisur pas një dëshmie të dhënë nga Tafili.

Ndërkohë, burimet janë të rezervuara, mirëpo bisedat dhe telefonatat që ka kryer Tafili me të tjerë janë përgjuar.