“Basha mu ul në gjunjë” Meta del në konferencë: Me lot në sy më kërkoi të anuloja zgjedhjet lokale

Presidenti Ilir Meta ka dalë në konferencën që paralajmëroi më parë për mediat, duke iu përgjigjur akuzave të kryetarit të PD Lulzim Basha.

Ai tha se gjatë vizitës zyrtare që ka zhvilluar në Gjermani në datat 6,7 dhe 8 qershor 2019, atje ka shkaur dhe lideri i opozitës, i cili sipas Kreut të Shtetit i është lutur me lot në sy që të anulonte zgjedhjet lokale të 30 qershorit.

Meta tha se Basha i është ulur në gjunjë dhe më kërkoi anullimin e zgjedhjeve me një dekret, pasi nuk do të mund të kontrollonte më popullin opozitar.

“Lulzim Basha mu ul në gjunjë në Gjermani, me lot në sy mu lut të anuloja protestën e opozitës dhe zgjedhjet”, deklaroi Kreu i Shtetit.

Presidenti tha se pasi ka ardhur në Shqipëri, me datën 8 qershor, dhe pasi u njoh me situatën politike në vend, vendosi nxjerrjen e dekretit për anulimin e mbajtjes së zgjedhjeve më 30 qershor.

“Kjo ishte një rrugë jo vetëm për të çtensionuar situatën, por edhe për të nxjerrë Lulzim Bashën nga udhëkryqi që kishte futur opozitën. Lulzim Basha ishte i trembur nga populli opozitar dhe për mua dekreti për anulimin e zgjedhjeve nuk ishte i lehtë, aq më tepër kur nuk isha konsultuar me Kryetarin e Kuvendit dhe Kryeministrin”, tha Meta.