LIGJET E BIZNESIT
Instagram po u ofron shuma të majme parash krijuesve për të postuar video në Reels sikurse theksohet në dy raporte nga TechCrunch dhe Business Insider.
Instagram bëri me dije prgramin e tij të bonusit për Reels në muajin korrik, kur CEO i Meta Mark Zuckerberg u shpreh se kompania do t’u paguante 1 miliard dollarë krijuesve deri në vitin 2022.
TechCrunch nëpërmjet një postimi në Reddit tregon se përdoruesve do t’i ofrohen deri në 35.000 dollarë nëse Reels-et e tyre marrin 58.31 milion shikime në një muaj.
Ndërkohë krijuesve më të vegjël thuhet se i janë ofruar shuma akoma më modeste.
TechCrunch njofton se këto bonuse duket se po rriten me kalimin e kohës. Një krijuesi tjetër me 24,000 ndjekës në rrjete sociale, së fundmi iu ofruan 8,500 dollarë për 9.28 milionë shikime. E njëjta pagesë iu ofrua një anëtari të stafit të Verge me 15,000 ndjekës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Duket se nuk ka ndonjë rregull se si pagesat korrespondojnë me numrin e ndjekësve.
Instagram u shpreh për TechCrunch se programi është akoma në fazat e hershme dhe është duke u eksperimentuar.
Edhe YouTube dhe Snapchat po ashtu po ofrojnë stimuj për krijuesit e tyre.
Në muajin gusht YouTube njoftoi se do të paguante deri në 10.000 dollarë në muaj për videot e njohura. Ndërkohë Snapchat tha se shpërblimet e tij variojnë nga 1000 deri në 25.000 mijë dollarë.
