Bëri sherr me stjuardesën për maskën, 50-vjeçarja rrezikon 20 vite burg

Një grua nga Teksas rrezikon dënimin me 20 vjet burg për shkak të sherrit të ndodhur me një stjuardesë në avion për shkak të mbajtjes së maskës.

50-vjeçarja Debby Dutton, nga Cypress, Teksas, është paraqitur para gjykatës në Hjuston pasi dyshohet se ka sulmuar një stjuardesë gjatë një fluturimi të United Airlines nga Alaska në San Francisko më 29 qershor.

Gjatë fluturimit, stjuardesa vuri re se burrit të 50-vjeçares Dutton (të cilin e kishte zënë gjumi gjatë fluturimit) i kishte rënë maska nga fytyra dhe stjuardesa e zgjoi për t’i thënë që të vendoste sërish maskën përpara se avioni të ulej. Pasagjeri e respektoi një udhëzim të tillë. Aktualisht ekziston një urdhër federal për përdorimin e maskave në të gjithë SHBA, i cili është i zbatueshëm për të gjitha linjat ajrore dhe aeroportet në të gjithë vendin.

Megjithatë, Dutton ka dyshime se ka pasur mosmarrëveshje me stjuardesën dhe e irrituar i ka bërtitur asaj se “nuk ke pse e prek burrin tim, pse e zgjon atë”. Më pas ajo e ka shtyrë dhe janë përplasur edhe fizikisht me njëra-tjetrën. Për pasojë stuardesa u lëndua fizikisht. Ndaj Dutton është ngritur akuza e sulmit fizik, e kërcënimit dhe e frikësimit të anëtarëve të ekuipazhit të fluturimit ose stjuardesat. Kjo akuzë mbart dënim maksimal të mundshëm prej 20 vitesh burg.