LIGJET E BIZNESIT
Ditën e sotme ministrja për Rininë dhe Fëmijët Bora Muzhaqi u vu në qendër të akuzave.
Ajo iu shmang pyetjes së gazetarëve për abuzimin e fëmijëve, duke u shprehur se nuk kishte kohë dhe duhet të ikte.
Më pas Muzhaqi ka kërkuar ndjesë për keqkuptimin me anë të një mesazhi ku kërkon ndjesë për keqkuptimin.
Ministrja shton se është shumë e prekur nga tragjedia që ndodhi në Fier, por sipas saj pyetja që iu bë nuk është e fushës së saj, pasi ka për detyrë që të angazhohet me programet jashtëshkollore të nxënësve dhe studentëve si dhe programet e aktiviteteve për fëmijët në komunitet.
REAGIMI I PLOTE
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndjesë nëse kam lënë shteg për keqkuptimin e kujtdoqoftë që ka pritur një përgjigje tjetër nga unë, përballë disa mediave të cilat m’u gjendën përballë duke shkuar për një tjetër takim pune.
Jam thellësisht e prekur si të gjithë nga tragjedia e Fierit dhe besoj se gjithçka mund të bëhet më tutje për adresimin e çështjeve të pyetjes, do të bëhet, ashtu si duhet, nga institucionet. Detyra ime funksionale është angazhimi me programet jashtëshkollore të nxënësve e studentëve, si dhe programet e aktiviteteve për fëmijët në komunitet. Prandaj dhe nuk m’u duk e udhës të jap një opinion personal mbi fusha të tjera specifike për të cilat m’u drejtua pyetja.
Ndërsa për sa i takon sarkazmës politike apo mediatike me tragjedinë, nuk kam asnjë koment. E kam neveritur gjithnjë lojën publike me dhimbjen e shkaktuar prej tragjedive. Por sot e provova shijen e saj drejtëpërdrejtë. Vdekja e dhunshme e një fëmije nuk mund të jetë kurrë arsye për të luajtur me njeri-tjetrin. Ndjesë edhe njëherë atyre që kanë keqkuptuar përgjigjen time.
