Po hynte në dyqan, reperit të njohur i bëhet pritë, ndërron jetë në vend

Reperi Young Dolph është vrarë në Memphis, SHBA. Lajmi është konfirmuar edhe nga policia.

Një dëshmitar okular u shpreh se muzikanti 36-vjeçar u qëllua nga persona të paidentifikuar ndërsa po hynte në një dyqan. Ai u shpall i vdekur në vendin e ngjarjes, sipas një postimi në rrjete sociale nga policia e Memphisit.

Reperi, emri i vërtetë i të cilit është Adolph Robert Thornton, është jo pak i njohur në komunitetin e Memphis. Albumi i tij i parë, i publikuar në 2016-ën, u titullua “King of Memphis”. Dolph ka qenë shënjestër e një atentati dhe në të kaluarën.

Në vitin 2017, ai u godit nga disa plumba  teksa ndodhej jashtë një dyqani këpucësh në Hollyëood, duke marrë plagë në krahë.