Tha vetëm një fjalë para hetuesve/ Kreu aktin ekstrem ndaj të miturit, ja çfarë u gjet gjatë kontrollit në banesën e Klodian Çalamanit

Përpara grupit hetimor Klodian Çalamani nuk ka dhënë asnjë detaj mbi krimin e rëndë që kreu, duke marrë peng dhe më pas vrarë dhe groposur trupin e 8-vjeçarit Mateo Vasiu në oborrin e banesës së tij.

“Ndodhi”, këto kanë qenë fjalët e vetme të autorit 38-vjeçar.

Mësohet se brenda në banesën e “monstrës” përveç xhupit të gjetur të të miturit që çoi hetuesit në gjetjen edhe të trupit të pajetë, ka gjetur edhe disa lodra.

Nuk dihet nëse ato kanë qenë të Mateos apo lodra që janë gjetur rastësisht në banesën e Çalamanit. Ndërkohë që në ditët në vijim pas qetësimit të situatës pritet që në pyetje të merren edhe familjarët e të voglit.