Xhaxhai i Klodian Çalamanit, autorit të krimit makabër në fshatin Grecali të Fierit i cili rrëmbeu dhe vrau një fëmijë 8 vjeç, ka folur për mediat.
Sipas tij Klodiani nuk vuante nga asnjë sëmundje mendore.
Madje Vllasi Çalamani shtoi se nipi ka qenë problematik dhe shpesh e ka këshilluar 38-vjeçarin që të punonte dhe të sillej mirë. Gjithashtu xhaxhai i autorit të krimit ka thënë se burgu që bëri para disa vitesh nuk e ndryshoi atë.
Gjithashtu ai ka kërkuar dënim me varje për nipin.
Xhaxhai thotë se i nipi edhe kur doli nga burgu vijoi me të njëjtën sjellje, ndërsa shtoi se nuk i druhet një hakmarrjeje nga familja e djalit, për arsye se ai nuk ka konflikt me asnjë.
“Ne e njohim atë ashtu siç foli. I kemi folur gjithmonë. Mua nuk më dëgjonte. Ai nuk kishte një moshë 14 vjeç, por po shkonte 40. Nipi nuk vuante nga probleme të shëndetit mendor. Unë të paktën nuk e di. Unë nuk flisja me nipin sepse nuk më dëgjonte. Ai edhe njëherë ka marrë një vajzë, e rrëmbeu, por nuk di përse e bëri. Unë e di që ai pinte alkool, tjetër se di. Nuk i druhem hakmarrjes, sepse unë nuk kam punë me nipin.
Unë i bëj thirrje kryetarit të parlamentit ligjin me varje. Ai nuk është për shoqëri më. Ai jetonte vetëm. Unë them që ai e ka bërë ngjarjen. Nuk e di çfarë e ka shtyrë që të merrte këtë akt ndaj fëmijës. Ai ashtu siç hyri në burg e ashtu doli, nuk ndryshoi fare. Në një moment të dytë do të shkoj te familja e djalit, sepse kam fëmijë vetë edhe nipër. Bashkia e futi në punë, por ai pinte dhe ashtu nuk të mban njeri në punë”, tha xhaxhai i Klodianit.
