LIGJET E BIZNESIT
Në lidhje me denoncimet që kanë bërë banorët ndaj Klodian Çalamanit, autorit të vrasjes së fëmijës 8 vjeç, Shërbimi për Çështjet e Brendshme dhe Ankesat ka nisur hetimet në drejtim të Policisë së Fierit.
Një prej banorëve të fshatit Grecali tha sot për mediat se Çalamani kishte tentuar që të përdhunonte gruan e tij, dhe policia nuk e kishte arrestuar, për shkak se 38-vjeçari kishte pak kohë që kishte dalë nga burgu.
SHÇBA do të marrë në hetim të gjitha denoncimet që mund të jenë bërë në drejtim të Çalamanit përpara ditës së djeshme. Sipas dëshmive të banorëve të zonës, ai rrinte vazhdimisht i dehur, dhe mbante me vete thikë dhe hanxharë, duke frikësuar fëmijët por edhe të rriturit.
“Pas publikimit në media të disa deklaratave prej banorëve në fshatin Greçalli të Fierit në lidhje me ngjarjen tragjike të vrasjes së të miturit nga shtetasi i dyshuar, Klodian Çalamani, SHÇBA njofton se ka nisur procedurat hetimore mbi veprimet e Policisë Fier në lidhje me denoncimet e kryera ndaj autorit përpara ngjarjes së datës 16.11.2021”, thuhet në njoftimin e SHÇBA-së.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
