Humb vajza e nisur për në shkollë, policia e gjen pas disa orësh, arrestohet një persona

Një person ka përfunduar në prangat e policisë së Kosovës  pasi dyshohet se ka dhunuar një vajzë të mitur. E mitura nga Vitia ishte shpallur e zhdukur nga e ëma, e cila kishte deklaruar në polici se vajzën e kishte dërguar në shkollë, e nga aty nuk ishte kthyer më në shtëpi. Policia ka mundur të gjejë të miturën, ndërkaq ka arrestuar një person që dyshohet se e ka dhunuar atë.

“Person i zhdukur i gjetur-dhunim-Viti, 15.11.2021 – 08:00. Lidhur me rastin është arrestuar i dyshuari mashkull kosovar dhe i njëjti ka pranuar se ka kryer veprën e lartcekur me të miturën femër kosovare. Me urdhër të prokurorit i dyshuari është dërguar në mbajtje”, thuhet në njoftiin e policisë.

Më herët, në raportin e së martës, policia kishte njoftuar për zhdukjen e të miturës.

“Viti, 15.11.2021 – 08:00. Ankuesja femër kosovare ka raportuar se vajzën e saj viktimën femër kosovare  të  mitur, e kishte dërguar në shkollë e cila më pas nuk ishte kthyer më në shtëpi dhe nuk dihet vendndodhja e saj. Rasti është duke u hetuar”, kishte bërë të ditur policia.