U nis për një jetë më të mirë, emigranti sirian varroset në një pyll

Ahmad Al-Hasan, një 19-vjeçar sirian, u varros në Poloninë lindore. Në funeralin, i cili u zhvillua në mbrëmje, morën pjesë disa anëtarë të komunitetit lokal mysliman, por jo anëtarë të familjes së tij të ngushtë. Si pasojë e rrethanave në të cilat u krye, ceremonia nuk i ngjante një funerali mysliman. Shpenzimet u paguan nga komuniteti lokal, me shpjegimin se ishte detyrë e tyre.

Trupi i Ahmadit u gjet nga policia polake dhe u tha se ai u mbyt në lumin Bug, i cili ndan Poloninë nga Bjellorusia. Përveç Ahmedit, kjo krizë emigrantësh besohet se ka shkaktuar të paktën 11 viktima.

Gjatë stinës së verës është rritur fluksi i refugjatëve nga Lindja e Mesme dhe Afrika që po tentojnë të arrijnë në Evropën Perëndimore në kufirin mes Bjellorusisë dhe Polonisë. Situata u përshkallëzua më 8 nëntor, kur më shumë se 2000 njerëz u mblodhën në barrierat e kufirit polak.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern