Çfarë po ndodh në këtë shkollë? Plagosen 6 adoleshentë

Gjashtë adoleshentë, përkatësisht të moshës 14 deri në 18 vjeç, janë plagosur dhe ndodhen në spital pas një sulmi me armë në afërsi të një shkolle të mesme në Orora, Kolorado. Policia nw njw deklaratw tha se ata ndodhen jashtë rrezikut për jetën.

Predha plumbash të kalibrave nga mw tw ndryshmet janë gjetur në vendin e ngjarjes nga policia. Besohet se një apo më shumë autorë kanë hapur zjarr nga një makinë në lëvizje. E pyetur nga një gazetar lidhur me këtë qasje të stilit të bandës, Vanessa Wilson tha se: “Ne do të shqyrtojmë të gjitha mundësitë,” duke apeluar dëshmitarët okularë dhe fqinjëve të kontaktojnë policinë, e cila po përpiqet të gjejë të dyshuarit.

Shteti i Kolorados, në Shtetet e Bashkuara perëndimore, ka përjetuar disa nga masakrat më të këqija të këtij lloji në historinë e vendit. Në 1999, dy adoleshentë vranë 12 nga shokët e tyre të klasës dhe një mësues në shkollën e tyre Columbine. Në 2012, një burrë i armatosur vrau 12 spektatorë brenda një kinemaje në Orora gjatë shfaqjes së The Dark Knight Rises.

Në muajin mars, një burrë vrau dhjetë persona brenda një supermarketi në Boulder, 50 milje nga Denver, kryeqyteti i Kolorados. Të ashtuquajturat të shtëna masive, janë një plagë e vazhdueshme në SHBA- sulme të cilat kryhen në shkolla, dyqane, vende pune.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern