Kryetari i Këshillit Kombëtar të Partisë Demokratike Edi Paloka ka bërë një propozim sot për të dy palët politike.
Ai i bëri thirrje që të dakordësohen në lidhje me thirrjen e Kuvendit Kombëtar si dhe për të larguar çdo hije dyshimi mbi 4200 firmat e mbledhura.
Në një deklaratë për mediat, Paloka tha se propozon qe dy palët të zgjedhin një njeri të besuar të tyre, të shkojnë në zyrën e tij dhe të verifikojnë çdo firmë.
“Unë do iu propozoja dy palëve të caktotnin nga një person, që mund të ishte një person që merret me problemet e zgjedhjeve dhe organizmin. Për shembull mund të ishte Ivi Kaso për njërën palë dhe Sekretari organizativ Ervin Minarolli për palën tjetër.
Mund të jenë dhe të tjerë.
Unë po bëj një propozim që palët të ulen dhe të eleminojnë hijet e dyshimit.
Të dy palët mund të caktojnë një njeri të tyrin të besuar sekretar zgjedhor organizativ, të vinë në zyrën time me lista me gjithcka të bëjnë verifikimin një e nga një për 4200 firmat. Dhe të ecim pa sulme, pa dyshime e mosbesime”-tha Paloka.
