“Duke nisur nga dhjetori” DPSHTRR del me njoftimin që hyn menjëherë në fuqi për patentat

Të gjithë shoferët që do të rinovojnë apo rimarrin lejen e drejtimit, duhet ti nënshtrohen një interviste.

Ky proces do të realizohet në mënyrë që të vërtetohet që ata janë të mirëinformuar për rregullat e qarkullimit rrugor.

DPSHTTR ka njoftuar se duke nisur nga muaji dhjetor i këtij viti, do të informojë shoferët me anë të një broshure e cila do të publikohet online, mbi sigurinë rrugore, kujdesin ndaj fëmijëve e pasagjerëve në kabinë, vëmendjen ndaj pedaluesve e këmbësorëve, sjelljen në trafik e në zonat urbane, pikat e nxehta të rrezikut, orientime mbi masat e reja nga ndryshimet në Kodin Rrugor.

Po ashtu, qytetarit do t’i listohen gjobat që ka marrë si pasojë e shkeljeve të rregullave të qarkullimit rrugor.

Çdo vit rreth 100 mijë qytetarë rinovojnë lejedrejtimin, sipas të dhënave të DPSHTRR dhe ky proces është i nevojshëm për të rritur sigurinë në rrugë, teksa shtohen me shpejtësi përdoruesit e saj.