Rita Ora i dhuron Tiranës kostumin popullor që veshi në këngën “Gunna” 

Në Muzeun Etnografik të Tiranës, që bashkia do ta krijojë në brendësi të godinës së “Sarajeve të Toptanëve”, do të ekspozohet edhe kostumi popullor tradicional shqiptar, të cilin këngëtarja e famshme shqiptare, Rita Ora, e veshi në videoklipin e këngës “Gunna”, pjesë e albumit ‘Bang’.

Lajmin e bëri me dije kryetari i Bashkisë së Tiranës, Erion Veliaj përmes një postimi në Twitter.

“Shumë faleminderit Besnik Sahatçiu, Vera Ora dhe Elena Ora për ndihmën ndaj komunitetit të mësuesve shqiptarë në Londër duke e kthyer “Queens Arms” në qendër komunitare! Falënderime pa fund Rita Ora, që i dhurove Bashkisë së Tiranës kostumin popullor shqiptar, që ne ta fillojmë Muzeun e ri Etnografik me një ‘Bang’”, shkruan Veliaj.