LIGJET E BIZNESIT
Biznesmeni Rezart Taçi së bashku me kunatin e tij Artur Balla dhe ish-truproja Bledar Lilo, janë të përfshirë në një skemë pastrimi parash me anë të firmave të naftës.
Akuza është ngritur sot nga SPAK, pas hetimeve disamujore në bashkëpunim me Antimafien italiane, e nisur prej kohësh.
Nga raportimet mësohet se Rezart Taçi përmes transaksioneve bankare do të kalonte paratë e krimit në nga bankat e nivelit të dytë në Shqipëri ne bankat e tjera jashtë vendit, ku dhe do të përfitonte përqindjen e tij, rreth 3 milionë euro.
Nuk dihet nëse ai i ka marrë këto para, ndërsa pritet që çështja të sqarohet në vijim me daljen e detajeve të tjera.
Lajmi është pasqyruar edhe në median italiane. Kjo për shkak të dyshimeve se organizator i skemës së pastrimit të parave është 90-vjeçari Francesco Zummo, një emër i njohur për Antimafian Italiane. Ai ishte hetuar madje dhe nga Giovanni Falcone.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gazeta ‘Repubblica’ shkruan se biznesmeni Zummo, i njohur si ndërtues dhe pastrues parash i mafias siciliane, i kishte fshehur paratë në vende të ndryshme të botës, mes tyre edhe në Shqipëri.
Në rastin konkret bëhet fjalë për 20 milionë euro që janë kapur në Shqipëri.
Zummo është lënë në arrest shtëpie, kurse llogaritari Fabio Petruzzella është arrestuar. Prokuroria e Palermos ka konfirmuar hetimin, duke theksuar se 20 milionë eurot i përkasin mafias ‘Cosa Nostra’.
Vitin e shkuar, ndërtuesit Zummo iu sekuestruan plot 150 milionë euro pasuri.
