Kryetari i grupit parlamentar të Partisë Socialiste Taulant Balla ndodhet aktualisht në Gjermani për të lobuar te deputetët e parlamentit gjerman (Bundestag) që ata të votojnë pro hapjes së negociatave.
Gjatë intervistës së dhënë për Deutsche Welle Balla është shprehur optimist se negociatat e Shqipërisë me Bashkimin Europian do të çelen brenda këtij viti.
“Unë kur i referohem qeverisë gjermane i referohem kancelare Merkel, që mbetet një luftëtare e paepur për mbajtjen gjallë të procesit të zgjerimit të BE. Unë besoj se ka një shumice të cilësuar brenda Bundestagut që do të mbeshtesë fillimin e bisedimeve me Shqipërinë dhe Maqedoninë e Veriut”- tha Balla.
I Pyetur per opoziten, Balla theksoi: “Nuk kam gjetur një deputet të vetëm të cdo grupimi politik, gjatë bisedimeve që po bëjmë këtu, që të mirëkuptojë vendimin vetëasgjesues të PD për tu larguar nga Parlamenti. Për akuzat që bëjnë, këto janë cështje që adresohen në prokurori”.
