Zbuloi se flirtonte me gra të tjera në “Facebook”, 37-vjeçarja dëbon bashkëshortin nga shtëpia!

Rrjete sociale janë bërë pjesë e pandashme e jetës së përditshme dhe shumë shpesh edhe shkak i tradhtisë apo ndarjeve të çifteve. Kështu ndodhi edhe për një 39-vjeçar të martuar, i cili nisi të flirtonte me disa gra në “Facebook”.

Siç ai rrëfen për “Dear Deidre” të “The Sun”, pasi bashkëshortja e tij zbuloi mesazhet që partneri i saj shkëmbente me të tjera online, vendosi ta dëbonte nga shtëpia. Por tashmë ata janë rikthyer bashkë, për hir të djalit 6-vjeçar që kanë. Megjithatë, asgjë nuk është më si më parë.

Ja rrëfimi i plotë:

“Gruaja më kapi mat duke flirtuar me të tjera. Nuk kam pasur kurrë si qëllim që të flija me to, por tani partnerja po më qorton sikur ta kisha bërë diçka të tillë.

Kur ajo më nxori jashtë, e binda që të më jepte një mundësi tjetër. Unë jam kthyer në shtëpi dhe ne ndajmë një shtrat, por nuk më lejohet t’i afrohem, as për një puthje të vogël.

Unë jam 39 vjeç dhe ajo 37 vjeç. Kemi dhjetë vite të martuar dhe kemi një djalë gjashtë vjeç, i cili është prekur shumë nga kjo situatë. Sigurisht, e kuptoj që nuk duhej të kisha biseduar me gra të tjera në Facebook. Por a nuk ka ardhur koha që ajo t’i hedhë pas krahëve të gjitha?

Por pasi gruaja mori hua iPad-in tim dhe gjeti mesazhet, ajo u tërbua. Më dëboi dhe nuk pranoi të më falte. Më pas zbulova se ajo kishte një profil në disa sajte takimesh. Ajo shkruante se ishte në proces gjyqësor për t’u divorcuar, gjë që nuk ishte e vërtetë. Unë gjithashtu e di që ajo ka takuar të paktën tre djem. Kjo më lëndoi shumë, por dukej se kënaqej me sjelljen e saj.

Kaluan disa muaj dhe iu luta të ktheheshim bashkë. Më në fund ajo ra dakord. U lehtësova shumë dhe mendova se mund ta linim pas gjithë çka kishte ndodhur.”.

“Dear Deidre” thotë:

“Gruaja juaj është shkatërruar dhe dëmi është bërë tashmë. Ky lloj kontakti virtual drejton energjinë dhe interesin jashtë marrëdhënies suaj dhe mund të jetë po aq i dëmshëm sa edhe tradhtia fizike. Ju thoni se thjesht dëshironit një shpërqendrim të vogël, por ky shpërqendrim po ju largonte nga martesa.

Duhet të flisni shumë dhe të përqafoheni shumë. Thuajini asaj vazhdimisht se e doni dhe se jeni penduar shumë për atë që keni bërë dhe dëshironi ta kapërceni këtë krizë. Do të duhet kohë që gruaja juaj të shërohet dhe të jetë në gjendje t’ju besojë përsëri, por mos u dorëzoni. Djali juaj e meriton një përpjekje për ta shpëtuar martesën.”.