Gjendet i pajetë trupi i një gruaje në breg të detit, ja dyshimet e para të policisë

Gjendet trupi i pajetë i një gruaje në bregdetin e Ndërnënasit në zonën e Libofshës.

Viktima, rreth moshës 70 vjeç, është pikasur nga një peshkatar i zonës i cili ka njoftuar menjëherë policinë pas konstatimit të trupit të pajetë.

Peshkatari ka pasur frikë të afrohet pranë trupit të gruas, e cila sipas policisë dyshohet se është mbytur.

Grupi hetimor po punon për zbardhjen e ngjarjes dhe identifikimin e viktimës.

NJOFTIMI ZYRTAR I POLICISE

Fier
Informacion paraprak

Në datën 04.06.2019, në fshatin Ndërnënas, Libofshë, në bregun e detit është konstatuar nga peshkatarë të zonës një shtetase e pajetë.

Në vendngjarje u nis grupi hetimor i cili konstatoi trupin e një gruaje rreth 70 vjeçe (ende e paidentifikuar) e cila dyshohet se është mbytur në det.

U bë transportimi i saj në morgun e Spitalit Rajonal Fier dhe po punohet për identifikimin e kufomës dhe sqarimin e rrethanave të kësaj ngjarje.