Si mund të bëhen nul zgjedhjet e 30 qershorit?

Zgjedhjet e 30 qershorit mund të bëhen nul. Në një bisedë në Syri TV gazetari Blendi Fevziu ka treguar një nga mënyrat se si këto zgjedhje lokale të bëhen nul.

Drejtuesi i emisionit Opinion tha se shembulli mund të merret nga Kavaja e para dy viteve, ku partitë tërhoqën kandidatët e tyre dhe zgjedhjet nuk u bënë. E njëjta gjë mund të bëhet edhe këtë herë.

Ndërsa për gazetarin tjetër, Sokol Balla kjo gjë nuk mund të bëhet, pasi tashmë ka filluar fushata që prej katër ditësh.

Pjesë nga debati në studio:

Sokol Balla: Nuk ekziston të shtyhet data e zgjedhjeve se ka filluar fushata.

Blendi Fevziu: Versioni i Kavajës, tërhiqen kandidatët, behën zgjedhjet nul. Kjo me marrëveshje politike. Do shpenzohen 2 milion se janë printuar letrat, por kjo është çështje tjetër.

Sokol Balla: Ju nuk llogarisni ata që votojnë PS-në, por vetëm populli opozitar. Rama në rast se pranon të tërhiqet nga zgjedhjet, sepse nëse pranon të ulet në tryezë, ai s’do jetë më as kryeministër dhe as kryetar i Partisë Socialiste.

Blendi Fevziu: Kryetarët e partive nuk janë dëmtuar asnjëherë nga marrëveshjet politike.

Sokol Balla: Jemi në kushtet ku Basha e ka ngritur stekën shumë lart, edhe për të. Nuk e di sa forcë do ketë, por kur t’u behet presion nga ndërkombëtarët nuk e di nëse do ketë mundësi të kthehet më në PD.

Çim Peka: S’mund të ndërtohet më analiza, me faktin se Rama s’mund të ulet në tryezë se nuk do jetë më në krye të PS-së.

Blendi Fevziu: Ke dhe ti përgjegjësi që t’i japësh zgjidhje. Zgjidhja duhet të jepet edhe duke marrë kosto personale, të ik ose Rama ose Basha. Të ikë Rama dhe të behën zgjedhjet me qeveri tranzitore dhe të mos ndodhë asgjë, kjo është akoma më e rëndë.

Sokol Balla: Basha duhet të mësoje të fitojë zgjedhje dhe jo të kërkojë gjëra në tavolinë.