Shtyrja apo jo e zgjedhjeve të 30 qershorit janë dilema më e madhe për politikën shqiptare.
Deputeti i dalë nga listat e PD, Lefter Maliqi ka thënë se nëse shkohet në zgjedhje mund të ketë përplasje civile.
Në një intervistë në A2CNN, Maliqi tha se në 30 qershor mund të jetë edhe viktima nëse shkohet në zgjedhje dhe se të dyja palët duhet të kërkojnë një marrëveshje.
“Mund të ketë konflikt civil me pasoja për vendin dhe mendoj se zgjedhjet duhet të shtyhen. Nëse nuk shtyhen mund të ketë pasoja, deri edhe viktima. Unë jam kundër këtyre ngjarjeve, por pasojat do të jenë mbi këtë politikë të agravuar. Unë duke qenë drejtues policie në disa rrethe të Shqipërisë, nuk mund të menaxhohen situata të tilla. Unë jam për një marrëveshje. Jam për ndërhyrjen e Presidentit me të gjitha mundësitë e veta që ka për të ulur palët. Jam edhe për ndërhyrjen e ndërkombëtarëve që kjo protestë të mos perceptojë. Jam i bindur se të shtunën e ardhshme do të jetë edhe me pasoja më të mëdha.”, deklaroi Maliqi për A2CNN.
