Arrestohen 2 shtetas shqiptarë në Itali pasi janë kapur me 3 kilogramë drogë të tipit kokainë në makinën me të cilën po udhëtonin.
Në prangat e policisë italiane kanë rënë Aurel Hasanaj 30 vjeç e Meti Lika 35 vjeç.
Të dy shqiptarët janë arrestuar gjatë një kontrolli rutinë të policisë italiane kundër trafikut të lëndëve narkotike.
Menjëherë pasi ka ndaluar makinën të tipit “Fiat” me të cilën po lëviznin dy shqiptarët, policia ka arritur të gjejë edhe sasinë prej 3 kilogramësh të kokainës të ndarë në tre pako.
Gjithashtu policia italiane ka ushtruar kontroll dhe në banesën e Meti Likës, ku u gjet një tjetër sasi kokaine prej 50 gram si edhe disa materiale që përdoreshin për të mbështjellë drogën.
