“Kam menduar ti jap fund jetës” Shokon aktori i famshëm: Zbulova shumë gjëra të fshehura për veten

Aktori i famshëm Will Smith i ka shokuar të gjithë me deklaratën e tij të fundit.

Gjatë regjistrimit të një serie në You Tube rreth humbjes së peshës dhe fitnessit, ai pranoi se i kishte shkuar ndërmend që të kryente vetëvrasje.

“Ky filloi si një udhëtim për të arritur formën më të mirë të jetës sime,” tha aktori në trailerin e “Best Shape of My Life”, në të cilin ai synon të humbasë 20 kilogramë në 20 javë.

Aktori 53-vjeçar shihet në trailerin e serialit duke shkruar kujtimet e tij, duke u ushtruar dhe i ulur rreth një tavoline me fëmijët e tij Trey, 28 vjeç, Willow, 20 vjeçe dhe Jaden, 23.

Smith dëgjohet të thotë në trailer se filmimi i shfaqjes bëri që ai të zbulonte shumë gjëra të fshehura për veten e tij.

“Kur fillova këtë shfaqje, mendova se po hyja në formën më të mirë të jetës sime fizikisht, por mendërisht isha diku tjetër. Përfundova duke zbuluar shumë gjëra të fshehura për veten time. Ishte e vetmja herë në jetën time që kam menduar ndonjëherë vetëvrasjen,” -tha ai.

Nuk është e qartë se kur aktori i pati këto mendime vetëvrasëse. Megjithatë, kjo do të sqarohet kur të publikohet seriali, që do të jepet premierë më 8 nëntor.