Sherr në bordin e avionit të linjës Tiranë-Romë, ulje emergjente në Peskara

Fluturimi i avionit të linjës Tiranë-Romë është ndërprerë nga një sherr. Mësohet se në avion e kompanisë “Blue Panorama” dy persona janë konfliktuar me njëri tjetrin, çka e ka detyruar pilotin të bëjë ulje emergjente.

Lajmin e bëjnë të ditur mediet italiane, teksa theksojnë se dy personat e përfshirë në këtë sherr janë shoqëruar nga karabinierët.

Ende nuk dihet identiteti i pasagjerëve “të inatosur” dhe policia po heton mbi shkaqet e konfliktit.