“Mori 20% të votave” Berisha e thotë hapur: Ky kandidat duhet të ishte në krye të PD

Ditën e sotme gjatë foltores në Korçë, ish-kryeministri Sali Berisha u shpreh se Agron Shehaj meritonte të ishte në Kryesinë e PD pasi e votuan 20% e demokratëve.

Sipas tij, në historikun e forcës më të madhe opozitarë në vend,  ai që konkurruar për kryetar nuk ka dalë jashtë kryesie, ka mbetur anëtar kryesor.

“Duhet të bashkohemi. Po ju them hapur çdo njeri që largohet nga partia na pakëson. Kryetari duhet të jetë shumë tolerant, çdo njeri që nuk shkon përshtat do të gjendet mënyrë të largohet. ja unë e them këtu që Agron Shehaj e meritonte të ishte në Kryesi sepse e votuan 20% të demokratëve që ta shikonin aty. Po ta shikosh historikun, ai që konkurruar për kryetar nuk ka dalë jashtë kryesie, ka mbetur anëtar kryesor kryesie. Sali berisha ka fituar me 75% kryetar edhe në 1991, ata që rivalizonin mbeteshin në kryesi.

Cdo njeri që kundërshtoi humbi vendin e tij, përse sepse të kundërshtoi ty? Kështu ne shkojmë duke krastit veten, kjo duhet të marrë fund. Statuti nuk e lejon këtë dhe është shumë i drejtë në këtë pikë, pra cdo masë disiplinore merret me 2/3 të Këshillit Kombëtar, kurse ky merr vetëm vendimet, ne do të bashkohemi”, tha Berisha.