Parashikimi i motit për ditën e sotme, e premte 15 tetor 2021

Sipas MeteoAlb, pjesa e parë e ditës do të jetë me kthjellime dhe vranësira të shpeshta të cilat do të sjellin reshje të pakta, kryesisht në zonat Jugore dhe Lindore. Gjatë orëve të pasdites, parashikohet që moti të përmirësohet gradualisht, duke sjellë dominim të kthjellimeve dhe vranësirave kalimtare në territor, ku më të dukshme vranësirat mbeten në Juglindje të vendit.

Temperaturat e ajrit do të vijojnë të ulen në mëngjes, por rriten në mesditë duke luhatur vlerat ditore nga 0°C deri në 19°C.

Era do të fryjë mesatare në tokë dhe e fortë në det me shpejtësi 55 km/h nga drejtimi Verior – Verilindor duke sjell në det dallgëzim 4 ballë.