LIGJET E BIZNESIT
Në stadiumin kombëtar “Air Albania” dy ditë më parë u luajt ndeshja Shqipëri-Poloni.
Sfida ishte e vlefshme për eleminatorët e Botërorit “Katar 2022”.
Kuqezinjtë humbën me rezultatin 1 me 0 dhe pikërisht në momentin e shënimit nga ana e miqve, tifozët reaguan të irrituar duke qëlluar me shishe lojtarët polakë.
Në lidhje me incidentin ka folur edhe vetë autori i golit në minutën e 77-të Karol Sviderski. Ai u shpreh se një pjesë e fajit i takon edhe atij, pasi zgjodhi anën e gabuar të stadiumit për të festuar. Megjitahtë Sviderski tha se e bëri këtë nën efektin e emocioneve dhe se qëllimi i tij nuk ishte të provokonte tifozerinë shqiptare.
Në një intervistë për “Polsat Sport” futbollisti polak mori përgjegjësinë e tij për veprimet e tifozëve dhe tha se vrapoi në mënyrë të panevojshme drejt tifozëve shqiptarë për të festuar. “Ishte një ndjenjë fantastike të shënosh një gol në një ndeshje të tillë, në një stadium të huaj. Me siguri do ta mbaj mend. Nga ana tjetër, fakti që tifozët reaguan kështu, ishte pjesërisht faji im. Unë vrapova pa shkak drejt tyre për të festuar, por isha nën ndikimin e emocioneve. Është e vështirë, ndodhi”- u shpreh ai ndërsa mori një pjesë të fajit për atë që ndodhi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
