“Mendoj se i kam shërbyer vendit tim” Befason Arbër Hajdari: Do të largohem nga drejtimi i ‘Fundjavë Ndryshe’

Drejtuesi i fondacionit “Fundjavë Ndryshe” Arbër Hajdari në të ardhmen nuk do ta mbajë më këtë post.

Lajmin e ka dhënë vetë ai gjatë një interviste në Tv Klan.

Arbër Hajdari tha se është e rëndësishme për të që të vazhdojë në një fushë tjetër, atë të drejtësisë për të cilën ka vazhduar shkollën.

Ai shtoi se do të jetë i pranishëm kur të jetë e nevojshme, duke u shprehur se i ka shërbyer mjaftueshëm vendit të tij.

Tashmë “Fundjavë Ndryshe” do të përgatitet të zgjedhë një drejtues të ri.

Pyetje: Do të vazhdoni secili në punët e veta edhe kur të jeni në Tiranë apo do të të bashkohet ajo (Vlera)?

Arbër Hajdari: Nuk e di, kemi disa plane, por që kur Vlera të vijë këtu dhe të sistemohet njëherë, mendoj që mund të nisim edhe diçka të re bashkë, një punë të re, Arbri nuk do të jetë përgjithmonë pjesë e fondacionit. Mendoj se i kam shërbyer vendit tim. I kam shërbyer për një sistem që nisi me ato qeskat e vogla, por sot është krijuar një sistem që ndsdhta për shumë pak kohë ka nevojë për Arbrin dhe pastaj ecën vetë. Kështu që jam krenar për këtë. Nuk dua që jeta ime të ndërtohet vetëm në kuadrin e fondacionit “Fundjavë Ndryshe”, por unë dua ta provoj dhe veten time dhe, së pari për gjënë që jam shkolluar.

Pyetje: Ti je shkolluar për çfarë?

Arbër Hajdari: Për Drejtësi. Dhe ashtu siç vij nga familja ime, babain, vëllain, ndoshta do mendoj të krijojmë diçka me njëri- tjetrin. Dhe nuk dua të jem gjithmonë, përgjithmonë drejtuesi i fondacionit “Fundjavë Ndryshe”. Unë do të jem gjithmonë aty për t’u kujdesur nëse kanë nevojë për mua. Por “Fundjava Ndryshe” së shpejti do të përgatitet të zgjedhë një drejtues apo drejtuese të re, dhe çdo set i këtij fondacioni i cili menaxhohet nga 9 anëtarë bordi që janë pjesë e këtij fondacioni, do të ngelet aty.