LIGJET E BIZNESIT
Një episod i habitshëm ka ndodhur së fundmi në Brazil, ku protagonist është presidenti Jair Bolsonaro.
Ai nuk është pranuar në stadiumin ku u luajt ndeshja Santos-Gremio, dhe arsyeja ka qenë sepse nuk ka bërë vaksinën anti- C OVID19.
Bolsonaro, i cili aktualisht ndodhet në Sao Paolo për pushime, është mbështetës i klubit të futbollit Santos, shprehu shqetësimin e tij pasi nuk u lejua të hynte në stadium.
“Pse kartë vaksinimi, pasaportë vaksinimi? Unë doja të shikoja ndeshjen e Santosit, ata thanë se duhet të jem i vaksinuar. Pse? Unë kam më shumë antitrupa sesa ata që janë vaksinuar”, tha Bolsonaro.
Në rajone të ndryshme të Brazilit, tifozëve u kërkohet të kenë vaksinën kundër COVID-19 ose të tregojnë një test negativ PCR në mënyrë që të shikojnë ndeshjet nga stadiumi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Bolsonaro, i cili nuk dëshiron të vaksinohet pasi e ka kaluar virusin, thotë se do të vendosë nëse do të marrë vaksinën në qoftë se tepron ndonjë pasi të jetë vaksinuar braziliani i fundit.
Presidenti brazilian është kritikuar shpesh për deklaratat e tij gjatë pandemisë së COVID-19 dhe për kundërshtimet e tij ndaj masave kundër pandemisë.
Brazili, vendi i Amerikës së Jugut ku më shumë se 600 mijë njerëz kanë vdekur për shkak të koronavirusit, është vendi me më shumë vdekje nga sëmundja në botë pas SHBA-së.
