“Aspiratë bashkimi Shqipëri-Kosovë”/ Pas deklaratave të Ramës, reagon Ministria e Jashtme e Rusisë: E papranueshme!

Pas deklaratave të kryeministrit Edi Rama, i cili u shpreh se bashkimi Shqipëri-Kosovë mbetet një aspiratë e tij, ka reaguar Ministria e Jashtme e Rusisë,

“Ne e konsiderojmë deklaratën e Kryeministrit të Shqipërisë E. Rama mbi bashkimin e Shqipërisë dhe Kosovës absolutisht të papranueshme. Promovimi i planeve për krijimin e një “Shqipërie të Madhe” bie ndesh me dispozitat e Rezolutës 1244 të KS të OKB-së dhe minon stabilitetin në rajon.

Është veçanërisht e çuditshme të dëgjosh se shkelja e dokumentit themelor për zgjidhjen e Kosovës deklarohet si qëllimi kryesor i karrierës politike të udhëheqësit të njërit prej vendeve të rajonit të Ballkanit”, thuhet në deklaratën e Ministrisë së Jashtme Ruse.