Një 38-vjeçar shqiptar, punëtor ndërtimi ka rënë nga një lartësi e konsiderueshme teksa po punonte. Ngjarja e rëndë është shënuar në Livorno, në zonën Porta a Mare. Kanë qenë banorët e zonës dhe punëtorët e tjerë ata që i kanë ardhur menjëherë në ndihmë shqiptarit.
Më pas, i plagosuri është dërguar për në spital për të marrë një ndihmë më të specializuar mjekësore. Paraprakisht raportohet se shqiptari ndodhet në gjendje të rëndë për jetën.
Administratori i kompanisë ku po punonte shqiptari po merret në pyetje, pasi dyshohet se ka neglizhuar mbrojtjen e punëtorëve ne firmën e tij.
