LIGJET E BIZNESIT
Kryeministri Edi Rama ka mbajtur sot një konferencë për shtyp me sekretarin e Përgjithshëm të NATOS-s Jens Stoltenberg.
Gjatë fjalës së tij Rama është shprehur se Stoltenberg është një mik i pa lëkundur i shqiptarëve dhe theksoi se së bashku ata kanë folur për bashkëpunimin dhe kontributet e vendit tonë në NATO.
“Diskutuam edhe për negociatat dhe për konfliktin politik. Vizita është afirmim i vëmendjes dhe kujdesit ndaj Shqipërisë”, u shpreh Rama.
Nga ana tjetër Jens Stoltenberg theksoi se kriza politike duhet të zgjidhet nëpërmjet dialogut dhe ka bërë thirrje të mos minohen institucionet demokratike por palët të ulen në dialog duke menduar për të mirën e qytetarëve shqiptarë.
“Në demokraci do ketë gjithmonë debate. Kjo nuk është dobësi por dhuna bie ndesh me vlerat tona. I bëj thirrje aktorëve politikë të sillen me vetëpërmbajtje për të vijuar në rrugën e integrimit që problemet të zgjidhen përmes dialogut për shkak se kjo kontribuon për të ardhmen e Shqipërisë”, tha Stoltenberg.
Ndërkohë i pyetur nëse ndikohet opozita nga Rusia, e cfila kërkon një Balkan të destabilizuar, Rama u shpreh: Nuk është sekret, ose mbase sekreti më i madh publik, që qasja e Rusisë ndaj Nato-s, BE, proceseve integruese, nuk është një qasje miqësore. Unë dua të nënvizoj se asnjë vend të NATO-s nuk ka ndodhur cka po ndodh këtu dhe cka disa forca kryesore të opozitës paralajmërojnë dhe më saktë do të përpiqen të ndodhë këtu, do të ishte një njollë e pashlyeshme për vendin tonë. Patjetër që diçka e tillë nuk shkon në favor të vendit dhe nuk përputhet me interesat dhe verat e NATO-s, dhe si padashje çon ujë në ata që nuk e dëshirojnë integrimin e vendit as në NATO as në BE.
