Qytetarë të shumtë dhe Shoqëria Civile kanë dalë në protestë mbrëmjen e sotme kundër vendimit për vaksinim të detyrueshëm. Me pankarta të shumta në duar ata janë mbledhur para Kryeministrisë duke bërë thirrje: “Jo vaksinim me detyrim”.
Protestuesit u shprehën se nuk kanë pse të ndihen të detyruar për të bërë vaksinën kundër Covid-19, pasi jetojmë në një vend demokratik.
“Jemi në një vend demokratik, duhet të respektohemi. Nuk duhet të ndihemi të detyruar për të bërë vaksinën”, thanë protestuesit.
Ata marshuan me thirrjet: “Kush vret fëmijët e pret plumbi”, “Komiteti i mashtrimit”, “Poshtë diktatura” , -“Shqipëria shqiptarëve, vdekje tradhëtarëve” dhe “Trupi im zgjedhja ime”.
