LIGJET E BIZNESIT
Dorë e hekurt nga Conmebol, enti i cili kontrollon futbollin amerikanojugor, kundrejt futbollistëve dhe drejtuesve të Boca Juniors të përfshirë në sherrin masiv që ka ndodhur në fund të ndeshjes së 21 korrikut të kaluar, kundër brazilianëve të Atletico Mineiro.
Ndeshja ka qenë e vlefshme për 1/8-at e Kupës Libertadores teksa ka përfunduar me fitoren 3-1 me penallti të brazilianëve, pas 0-0 të Bomboneira-s dhe Mineirao-s.
Në përfundim të ndeshjes, lojtarët e Boca-s janë përplasur me përgjegjësit e sigurisë teksa po i drejtoheshin dhomave të zhveshjes.
Shtyrjet kanë përfshirë po ashtu edhe lojtarët e Atletico Mineiro dhe më pas ka nisur një sherr i madh midis drejtuesve, lojtarëve dhe pjesëtarëve të stafit të dy klubeve.
Për të kthyer qetësinë, u desh ndërhyrja e Policisë Ushtarake.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në lidhje me këtë ngjarje, Conmebol ka vendosur të marrë masa të rënda ndaj Boca-s: 6 javë skualifikim për Pavon dhe Villa, 5 për Rojo, 4 për Izquierdoz, 3 për Gonzalez dhe 2 për Javier Garcia.
Drejtuesit Cascini dhe Delgado nuk do të lejohen që të hyjnë në asnjë stadium për dy vite, ndërsa drejtuesi tjetër Somoza është ndalur për gjashtë javë. Boca është gjobitur edhe me 203 mijë euro.
