Shumë shtete në botë janë prekur tashmë nga kriza e energjisë elektrike.
Një prej tyre është dhe Libani, ku i gjithë vendi është zhytur në errësirë si pasojë e një ndërprerjeje që pritet të zgjasë disa ditë.
Sipas të përdishmes britanike “Metro”, rrjeti kombëtar i furnizimit ndaloi pas mbarimit të karburantit në dy stacionet kryesore të energjisë elektrike.
Impjantet al Zahrani dhe Deir Ammar ndaluan sot punën pas konsumimit të të gjitha rezervave të karburantit, duke ulur prodhimin e energjisë në më pak se 200 megavat (që mjafton vetëm për furnizimin e rreth 5,000 shtëpive).
Një zyrtar i qeverisë tha se ndërprerja mund të zgjasë të gjithë fundjavën, duke lënë popullatën prej rreth gjashtë milionë njerëzish në errësirë totale.
Shumë qytetarë zotërojnë gjithashtu gjeneratorë me naftë, edhe pse furnizimi është me mangësi.
