Konflikt i çastit/ Plas sherri mes disa personave, njëri prej tyre plagoset me sende të forta

Si pasojë e një sherri në lagjen nr.17 në qytetin e Korçës, një person ka mbetur i plagosur.

Ngjarja ndodhi sot pasdite, ku konflikti degjeneroi në dhunë.

Sipas policisë, i plagosur me sende të forta mbeti shtetasi me iniciale E.Sh, i cili ndodhet në spitalin rajonal të Korçës jashtë rrezikut për jetën.

“Më datë 09.10.2021, rreth orës 17:20, në lagjen nr. 17, Korçë, në rrugën “Muzakajt”, gjatë një konflikti të çastit midis disa shtetasve, është dëmtuar me mjete të forta shtetasi E. Sh., i cili ndodhet në Spitalin e Korçës, jashtë rrezikut për jetën.

Shtetasit e tjerë të përfshirë në këtë konflikt, aktualisht ndodhen të shoqëruar në ambientet e Komisariatit të Policisë Korçë, për veprime të mëtejshme”, thotë policia.

Ndërkohë grupi hetimor po punon për të sqaruar rrethanat e ngjarjes.