Kroçiera përplaset me tragetin e turistëve në Venezia

Një kroçierë ka humbur kontrollin në portin e Venecias duke u përplasur me një traget në të cilin ndodheshin turistë.

Ngjarja ka ndodhur sot në orën 09:00 të mëngjesit, ku mjeti lundrues me emrin “MSC Opera” është përplasur me një traget turistësh.

Turistët kanë vrapuar të tmerruar kur panë anijen kroçierë që po vinte në drejtim të tyre.

Disa u hodhën në ujë nga paniku, të tjerë nisën të vrapojnë ndërsa disa prej tyre rrinin në vend nga frika.

Pamje nga video tregojnë momentet e ankthit, që për fat nuk pati pasoja të rënda, përveç 4 të lënduarve lehtë.

Sipas autoriteteve të portit, një black out i papritur ka bërë të pamanovrueshëm rimorkiatorin që po tërhiqte kroçierën  “Opera”, duke i përplasur ngadalë me kalatën.